Paghanga sa English - Admiration

Isinulat ni Lawrence R. Gonzales

May 23, 2019 - 9:03 pm

Ang iyong mga matang marikit,

Kapag sa akin ay tumitig

Mga mata ko'y ayaw ng pumikit

At ang puso ko ay tila nakawit.

Kung minsan nais kong umawit

Kaya lang di maganda aking tinig

Bakit ba ganito ang pag-ibig

Labis akong naliligalig.

Ang puso ko'y gustong mangusap,

Ngunit sa bibig ko'y walang lumalabas na pangungusap,

Gusto ko sa iyo'y makipag-usap,

Upang magandang sandali ay malasap.

Kay ganda ng iyong ngiti,

Sana ito'y manatili,

Kung ang puso ko ay magkukubli,

Sa iyong likod ako ay tatabi.