Pulubi

Pulubi

Isinulat ni Lawrence R. Gonzales

Mach 11, 2011

Isang pulubi sa kalsada

Naghihintay abutan ng barya

Wala na siyang pamilya

Na tutulong sa kanya.

Gusto mo s'yang tulungan

Pero sa paanong paraan

Wala kahit konting kayamanan

Bigyan mo lang kahit hapunan.

Ang kanyang tulugan

Gilid ng simbahan

Ang kanyang tahanan

Malawak nitong bakuran.

Butas-butas na damit

Parang basahan pinag kabit-kabit

Namamalimos sa gitna ng init

Kanyang balat parang napupunit.

Iyong pagmasdan kanyang katandaan

Dapat nating kaawaan

Araw-araw pinagtatabuyan

Nakakatakot ding maranasan.